شعراء : أ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ى

 قصائد :  أ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ى

على بــالـي

على  بالي  تناديني  أنا  آسـف  ماسمعتـك  زيـن
ولانـي    أول    العالـم   يخيـب   ظنـه   احساسـه
أحسب  إنك  تبيني  وقلت  من هالعين قبل العين
وجيتك   تايه   الخطوه  وصدري  يشهـق  أنفاسـه
وأنا   والله   مدري   وين   أنا  رايـح  وجـاي  منيـن
غرابيل    الزمـن    فينـي    تعـدت   حـد   مقياسـه
على   هونك   ترفق   بي  غريـب  وحايـر  الكفيـن
عجول  أتبع  صدى  صوت  بسمعي  دقة أجراسـه
توهمت   بخيال   الفكر   هايم   بيـن  زيـن  وشيـن
سحابة  هم  واحتاست  مـع  النسمـه ونسناسـه
وترى ماني من اللي يعشق اللعبه على الحبلين
وقلبي    نيتـه    أصفـا   مـن   المـا   لاورد   كاسـه
واذا   أخطيت   اعذرني   خطـاي   بسبـة  الأثنيـن
رداة    الحـظ    واهمـوم    تعاندنـي    بوسـواسـه
ولاني  من  الخطا معصوم تدري والبشر من طين
ونفسه    تآمـر    بغفلـه    ولاهـو    قـاوي   باسـه
على  كل  حال  سامحني  أنا  ميت مـن الصوبيـن
خفوقي   عايف   نفسـه   وعينـي  فارقـت  ناسـه
تخطيت   الدروب   اللي   تباري   رحلـة  الماشيـن
وسراب   الشوف   يآخذنـي  لزلاتـي  وهوجاسـه
على   بالي   تنادينـي  وكنـي  سامعـك  هالحيـن
ولاقصدي   ردى   وأدري  عيون  الناس  عساسـه
سهيت  من الهموم اللي بقلبي ورحت مدري وين
على  حظ  الزمان اللي قلب وضعي علـى راسـه




أضف تعليق

لا يمكنك اضافة تعليق

يجب عليك تسجيل الدخول لاضافة تعليقك