شعراء : أ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ى

 قصائد :  أ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ى

ابو عيون كنها ليلة اخسوف

عطني   كوفي  بنه  بالايدين  مقطوف
بـ   عدل   مزاجي  واعتلي  كل  هامه
باهندس   الفكره  ووقف  لها  اصفوف
وابدع    وجاوب   فوق   ذيك   العدامه
ماهوب  عايق  للبشر هاجس الخوف
ولاهو   بصعب  اتسج  درب  السلامه
الحس   فيني   يجذبه  قاف  مشعوف
والحرف     ضميته     وساكن     امامه
ليتك     معانا     يابعدهم     يابو    نوف
في   دار   ابو   سلمان  حول  المنامه
ماهي  بلد حسني ولا جورج واسوف
ناسٍ      ومبلسهم     عقال     وعمامه
دار    الولايف   والقصيده   على   اوف
يا   عين!   يا   مال!   الشقاوي   علامه
خلاه    قلبه    بين    الاحلام   مكشوف
والشوق     ودروب    البلاء    والندامه
حتى     برا     حاله    وخلاه    مصفوف
وزوابه     المضغه     بفعل     ابتسامه
بمجمع    السيف   وسواليف   ملقوف
وباقي     ثلاث    ايام    حجز    الاقامه
قابلت  فيه اللي من الصدق غرشوف
خده     قمر     كامل     ولافيه    شامه
اصله    من   الدوحه   ومرباه   معروف
وبالسيف     سبب     للخلايق    قيامه
من   شوفته  والخصر  ضيق  وملفوف
والجو   كايف   تهت   انا   في   هيامه
ابو      عيونٍ     كنها     ليلة     اخسوف
خد    ن    وقد    وطول    عنقٍ    وقامه
ماشفت  مثله  قبل  ما شفت واشوف
يطري      عليه     يوم     حط     اللثامه
عين المها اللي بين الارصاف موصوف
وقصيده      البرده      لكعب     وكلامه
لبسه    حرير    وكل    مافيه    مكلوف
لبا    الحرير    اللي    تحته    الوسامه
حتى   الشعر  كنه  من  الليل  محيوف
قام     ايتمايل    عن    يمينه    وشامه
صدره   كذا   بارز   علا   محزم   الجوف
امدور      ومشدود      فيه     استقامه
مترف   اذا   قفى  عليه  اجمل  اردوف
تقال   طعس  ن  من  طعوس  الثمامه
اليا  جلس  يجلس  على  راحه اكفوف
واليا     وقف    فنان    واله    اهتمامه
بيدينه    الحنا   وفي   قلبه   اي   لوف
واليا  مشى  مشي القطا في قوامه
معسول  منطوقه  وبالحكي مكسوف
الذوق     منه     وفيه     ياخذ     علامه
لو   شايفه   ياسر   يبطل  دفي  دوف
ويقول    انا    صاحب   سمو   الفخامه
عليه     قلبي    طول    الايام    ملهوف
الله      يلوم     اللي     يلومه     ولامه




أضف تعليق

لا يمكنك اضافة تعليق

يجب عليك تسجيل الدخول لاضافة تعليقك