أجمل قصيدة سـلام يــا رمـز الـوفـا والـكـرم هيف

أجمل قصيدة سـلام يــا رمـز الـوفـا والـكـرم هيف

هجوس فكري للجزايل مشاعيف

وشعري على مدح النشاما مهايف

وترى المدايح بالرجال العواريف

ما يلحق الرجال منها حسايف

سلام يا رمز الوفا والكرم هيف

يابن جليغم معتلي كل نايف

ماهو غريب اليا اعتليت المشاريف

وابوك من خلا الصعايب عسايف

ياما مضى له بالمراجل مواقيف

راسٍ يروم العز والفعل كايف

يرهي على الطاله زبون المواجيف

لو دونها حدب السيوف الرهايف

ذرب اليمين مكرم الجار والضيف

شيخٍ جنابه مثل خضر المصايف

وانته شبيهه يا بعيد المحاريف

وعلى فعولك من فعوله وصايف

يا نادرٍ فعلك على الطايله شيف

شيخٍ توقف للامور الكلايف

على المراجل ما تحسب التكاليف

واثقالها قدام عينك خفايف

هذا الصحيح ولا دخل فيه تزييف

والصدق تشهد به جميع الطوايف

السابق
أروع محاورة شعرية غزلية بين بدوي وحضرية
التالي
الشاعر عدنان علي خالد

اترك تعليقاً