الشعر والادب والتراث العربي

الشعر والادب والتراث العربي (http://benzaben.mosw3a.com/vb/index.php)
-   الاشعار المنقولة (http://benzaben.mosw3a.com/vb/forumdisplay.php?f=4)
-   -   يا دار غني والبسي كل غالي (http://benzaben.mosw3a.com/vb/showthread.php?t=41238)

الجمل 10-24-2020 05:50 PM

يا دار غني والبسي كل غالي
 



يا دار غني والبسي كل غالي


https://www.arabsharing.com/do.php?img=251404


يا دار غني والبسي كل غالي
ثوب الفرح والحزن يا دار خلِّيه

رزي الفرح يا دار في رأس عالي
وما قالوا الشعار غنّي وشيليه

صيري كما عذرا كساه الجمالِ
لابو مبارك واشقر الرأس فِلّيه

عقب البطا شفناه والشر زالي
من فضل من نخشى عذابه ونرجيه

عمّ الفرح شرق وغرب وشمالي
وكن الجنوب بريحة الورد يدعيه

وتباشروا شيبانها والعيالي
والكل منهم جاه خويه يهنّيه

فرحوا ويشوف الله عليهم اظلالي
عين ترى حبّه وعين تحيّيه

من لامهم يعطى العمى والهبالي
في حب شيخ ما توصف حسانيه

أبوالفقارى والضعوف الهزالي
والشايب اللي ما لقا من يجديه

وكم من فقير شاف ضيم الليالي
حكومته تاخذ والشيخ يعطيه

وكم من شعوب تشكره ما تبالي
لو ما تعرفه بس تسمع بطاريه

معهم وقف وابموقفه لا يزالي
من طيب راسه ما يغير مباديه

دعواتهم له من عزيز الجلالي
اللي دعوا شعب داره دعوا فيه

كل دعا له بالشفا يوم قالي
قالوا عسى ربي يرده ويشفيه

شيخ الكويت اللي فعوله جزالي
غيث الوطن ما كل شيخ يحاليه

حكيم لاجن الماصيب اجلالي
حكيم راي وفق الله مساعيه

ما صك بابه عن جواب وسؤالي
ونظرات عينه كافيه مدت ايديه

في غيبته ما جا علينا خمالي
شعب الوطن لو هو بعيد يراعيه

الدار تنعم في أمان ودلالي
أرض الكويت اللي عسى الوبل يسقيه

في ظل من هم سورها أول وتالي
آل الصباح اللي على المجد تبنيه

هذا ولد عم وهذا ابن خالي
قد قالها شيخ افعوله اتزكيه

ابتوجيه من هو شال عنا الثقالي
ابوفهد جعل السعد في نواصيه

يمناك كان الوقت جابه ميالي
وشح الزمان وبين الخصم خافيه

أنتم سلايل من على الحكم طالي
من هيبته خصمه تقاصر هقاويه

امبارك اللي حطها في العلالي
ما حد تهقوا في زمانه تحديه

سبع الجزيرة يوم مر الحبالي
كم حاكم يخضع اليا جاء يحاكيه

وعقبه تولوها افحول الرجالي
ما راح حق وراعي الحق تعطيه

اللي حموها في رهيب السلالي
يوم الزمان اللي كثار بلاويه

وارجع على ما قلت بأول مقالي
وأطلب من اللي عالم ما نخفيه

ترجع وتلبس دارنا كل غالي
ويستقبلك شعب تحبه وتغليه

يقولها اللي للصباحي اموالي
من يوم مشيه فوق كفه ورجليه

ما يجحد المعروف لا جا مجالي
واللي جحد، ربك عن الحق مغويه

وما هل وأمطر من حقوق الخيالي
علي النبي صلوا وسيروا مماشيه



داليا 01-05-2021 07:57 AM

رد: يا دار غني والبسي كل غالي
 
مجهود رائع منكِ
مواضيعك دوما
رائعة بارك الله فيكِ
هكذا دوما


الساعة الآن 04:31 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir