من روائع الشاعرخالد الزهيري
الخاتم اللـي بيَـدّي وانكسـر فصّـه
يا ماكثر اشباهه .. ويا ماكثر اشباهي
عقبه همومي على الاضلاع مرتصـه
طيور جرف ٍ على المشـراف وِلاّهـي
ولا ّكما صف جنـد ٍ تنتظـر حصـه
كل ٍ يماري بضبـط النفـس ويباهـي
خابت كبار الحلوم.. وخربت الرصـه
سبة سـراب ٍ علـى الافـاق تواهـي
العلم هو هو ...والقصه هـي القصـه
والقلب ما هو ب.عنها ساهي ٍ لاهـي
من ضيّع الدرب يتبع الاثـر ويقصـه
وليا اعتذر ما قبلنـا عـذره الواهـي
الحق لاهله وراعـي الثـار يقتصـه
إلين يصبح عليـه الآمـر .. الناهـي
لكن متى تصدق النيـات بالخصـه؟؟؟
وتصير غُشم القلوب إنظاف ونزاهـي
وآشوف راية قيـام العـدل منتصـه
ويبين وجـه النـار ولونـه الزاهـي
يالله ياللي بنجـوى سـرّي اختصـه
يا ملتجاي ..ورجا نجواي.... والهـي
طالبك ما ابدا طريق ٍ وانكـف بنصـه
يا رب هذا رجاي.. ووجهي.. وجاهي
معناي شامل ولـي مدلـول وآخصـه
(( يارب لي حاجة ٍ ولا ابغي إلا ّ هي))