الشعر والادب والتراث العربي - عرض مشاركة واحدة

08-15-2021, 02:07 AM

والله بعضهم معرف لوقتنا الآن
والله بعضهم معرف لوقتنا الآن

اني اعرفه حتى اشوفه.. قبالي
الناس خير وخيرهم وجه الايمان
وماا خبر احد.. له شي عندي ولا لي
كلٍ وفا له حكمتي تدل عميان
ما همني خبرك.. على زين فالي
لما بدى يحكي عن الصوم شعبان
.وصفر يحرّم صيد نظرة غزالي
قلت ابعد .. اسكت وانتظر قدر الامكان
الرب.. فوق وكلنا.. للزوالي
ابي اجلس لحالي بدون اي انسان
جنيتي ...تعشق جلوسي.... لحالي
انا اتنفس وحدتي بعض الاحيان
القى.. بها الحلم الصغير.. المثالي
قال:انت هاجر مجتمعنا وزعلان
اظن... بك جنيةٍ ....ما تبالي
اظن قلت ولا بقى ظن ما خان
الشكر لله ...في يقينٍ ... بقا... لي
ودامك تظن ف ظن ..هالمجتمع كان
ما عاد تلقى له... بهالوقت.. تالي
لا طهر يدّ ولا ودفا قلب ولسان
ومن الضمير... وكلمة الصدق ...خالي
سولف .. ولا تذكر لي فلان وفلان
ولا انسى وابي تنسى.. الذي قد مضى لي
مروا بذهني امكنه .. مروا ازمان
اطلسهم ...اغرب من غرابة.... خيالي
والغالي اللي داخل القلب ما هان
لو ما التقينا .... داخل القلب ...غالي