|
التسجيل | التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
أدباء وشعراء ومطبوعات الأدباء وكتبهم والمجلات الشعرية والأدبية وسير كبار الأدباء والشعراء |
انشر الموضوع |
|
أدوات الموضوع | انواع عرض الموضوع |
12-28-2011, 07:58 PM | المشاركة رقم: 1 | ||||||||||||||||||||||||||||||||||||
|
المنتدى :
أدباء وشعراء ومطبوعات
هموم مواطن مصري دار الزمان دورته .. غيـّر نفوس الناس ساوى الكتير فى النطاعة و قلة الإحساس نسيوا اللباقة فى الحديث و الذوق أما المعاملة : فدا قفل , و البعيد ترباس خرجت مرة اتفسح أنا و أولادى صرخ الصبى م الألم : الحقنى يا دادى تروللى آدمى دهسه و جابو الأرض و مضى ف طريقه بلا آسف دا شئ عادى نفسى الحمار كان يعتذر , ينهق , يقول باردون لكنه حمار فى سلوكه و فى طبعه و أصله دون فين من زمان كان الكلام فيه بلسم آسف , و حقك علىّ و سامحنى , و أنا ممنون ؟. خدت الولد و جريت على المستشفى لفيت على الأقسام تقولشى مليون لفة !! حكومى و الإهمال يجيب لك الأمراض تركتهم من بعد ما تفيت عليهم تفـة رحت أم أجر , ياه ع النضافة يا هووه !! مبلغ دفعته مقدم زى ما طلبوه على سرير له عجل أخدوا الولد , حطوه دهنوا له مرهم و قطنة و شاش و باسبرتوه خد يا جميل ولدك و روح ادفع كع اللى معاك , و يا ريته كان ينفع أخدوا الولد كرهينة لحد ما أسدد جريت أستلف من دا , و دا يتنطع خدت الصبى و ركبنا سوا الأتوبيس سواقه اسمه على و الكمسارى عتريس ناقص شوية زيت و لمون و نتحول إلى سردين نشال نشل محفظة , و دا شاب أصله خسيس سلمتش منه فتاه , و لا حد م الستات يا بنى حرام ليه كده هو ا نت ملكش اخوات ؟ خليك فى حالك يا بويا واحترم نفسك لخلّى وشك شوارع و املأه طرقات أخذتنى نوبة شهامة خرشمت له وشه و كام بونية فى صدره و زيها فى كرشه طلع لى مطوة وقال لى اتشاهد على روحك وسّـع كل الرجال , لولا امرأة حمشـة أخدونا للقسم اللى عمل محضر ظابط صغـّير قعد يشخط و قام ينطر يا حضرة الظابط دا عاكس بنات الناس مالك انت ؟ .. واعظ كبير حضرتك و الا من العسكر ؟!! بـّيتنا فى التخشيبة : أنا و ابنى و الفتى المنحوس ليلة و لا كل الليالى .. كإنها كابوس الواد يقوللى سامحنى يا عمى و نتصالح لنروح فى داهية و هات راسك أبوسها بوس رحنا النيابة و قلنالها بنتصالح قال الوكيل للفتى تبقى ولد فالح و انت يابويا كتر ربنا مثلك ينصلح حالنا و يبقى المجتمع صالح روّحـت بيتنا قلت أنام و أرتاح هيّـه دقيقة , و معركة و صياح بين الجيران قامت معركة كبيرة ينعل أبوكى يا سنية , ينيلك يا صباح قالت لى أم العيال ما فيه فى بيتنا عيش و لا لقمة يابو العيال و الصنف منه مفيش المخبز اللى جنبنا زحمة عليه بالضرب قاومت و وصلت للشباك : عشرة يا عم عليش أخدتهم و مشيت كأنى نابليون مزهو كإنى قد لقيت بليون و قلت يكفى النهارده بهدله يا ناس كفاية اللى شفته من فاضل و من ملعون و دخلت أريّــح م اللى لقيته يا هوه تليفون ضرب , دى أبلة ا لـ ( كى جى تو ) ابنك ضعيف فى اللعب و المراجيح درسين خصوصى يا عمنا يقووه قلت أخرج و أطفش , و لاّ أ صير مجنون قابلتنى ع الباب فاتورة التليفون نهاركم اسود !!! كل دى فاتورة ؟!! ادفع يا سيد ما عليك ... دى ديون و ان ما دفعتش راح تعملولى إيه ؟ قطع الحرارة يا محترم , انت فاكرها إيه !!! قلت أنا ما دفعشى و ينعل أبوكو كمان عملولى محضر و رحت ع الكراكون انت يا عمى ياللى انتحرت امبارح طعمه إيه الانتحار ؟ قول يا صديقى و صارح زهقت انا من عيشتى اللى ما ليها طعم يا رب هـّون علـّى يا إلهى و سامح |
||||||||||||||||||||||||||||||||||||
12-30-2011, 09:24 PM | المشاركة رقم: 2 | ||||||||||||||||||||||||||||||||||||
|
كاتب الموضوع :
سارة محمد
المنتدى :
أدباء وشعراء ومطبوعات
|
||||||||||||||||||||||||||||||||||||
12-31-2011, 08:26 PM | المشاركة رقم: 3 | ||||||||||||||||||||||||||||||||
|
كاتب الموضوع :
سارة محمد
المنتدى :
أدباء وشعراء ومطبوعات
قلت أخرج و أطفش , و لاّ أ صير مجنون قابلتنى ع الباب فاتورة التليفون نهاركم اسود !!! كل دى فاتورة ؟!! ادفع يا سيد ما عليك ... دى ديون و ان ما دفعتش راح تعملولى إيه ؟ قطع الحرارة يا محترم , انت فاكرها إيه !!! |
||||||||||||||||||||||||||||||||
مواقع النشر (المفضلة) |
الكلمات الدلالية (Tags) |
هموم.مواطن.مصري |
الذين يشاهدون محتوى الموضوع الآن : 2 ( الأعضاء 0 والزوار 2) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شعر "معاناتى" للشاعر عبد الرحمن بن مساعد | سارة محمد | الشعر الفصيح | 1 | 05-12-2012 12:58 AM |
قصيدة القدس "للشاعر عبد الرحمن البنودي" | سارة محمد | اخبار الساحه الشعريه | 6 | 01-28-2012 07:02 PM |
قصيدة الميدان اروع قصائد الثورة المصرية"عبد الرحمن الابنودى" | شهر زاد | مرئي ومسموع القصائد الشعرية | 2 | 12-18-2011 08:56 AM |
قصيدة القدس لعبد الرحمن الأبنودى | سارة محمد | مرئي ومسموع القصائد الشعرية | 0 | 12-05-2011 05:08 PM |
شوفوا الاب ايش سوا وايش كانت ردة فعل الولد """"""""""" | نواف المعمري | جديد الانترنت | 0 | 03-16-2009 04:12 PM |