|
||||||
| التسجيل | التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| أدباء وشعراء ومطبوعات الأدباء وكتبهم والمجلات الشعرية والأدبية وسير كبار الأدباء والشعراء |
| انشر الموضوع |
 |
|
|
أدوات الموضوع | انواع عرض الموضوع |
12-16-2012, 08:47 PM
|
المشاركة رقم: 1 | ||||||||||||||||||||||||||||||||||||
|
المنتدى :
أدباء وشعراء ومطبوعات
 نبذه عن الشاعر بندر بن سرور رحمه الله احب اسمع قصايده كثير ورفيق لنا بعد بالسفر اتركم مع القلم المبدع ذا الحرف الجميل بندر بن سرور رحمه الله هو بندر بن سرور بن خضير القسامي العطاوي الروقي العتيبي ولد وترعرع في القراره بمدينه الدوادمي سنه 1360هجري توفي والده وهو صغير السن وعاش مع عمه بعد زواج والدته من رجل اخر. عاش الحرمان منذ صغيره وربما السبب فيما وصل اليه بندر من موهبة شعريه فذه درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي قال بيت له عندما اتاه احد الدائنين يطالبه بماله الدين واجد و الوظايف تعيسة .......... والعسكرية خلت الراس شايب من اشهر قصائد بندر ابن سرور علي الاطلاق والتى يرددها الجميع ( ياسهيف الذرعان) وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه وكان بندر معروف لدي الجميع وقد انشد قصيدته تلك : ياسهيف الذرعان مانيب مرجوج.........رجتني الأيام غدر وحيله يابنت لولا اللي على تاسع الفوج.........تركت نجد وعزوة بالقبيلة لاشك حاديني على نجد هادوج.........مسقي الفيافي لين يدرج مسيله تركي ليا من الليلي غدن عوج..........حملة عتيبة كلها ماتشيله يرسي كما ترسي البواخر على الموج.......ومنين ماصك البحر يرتكيله مادام تركي حي ماودي أدوج..............وإن غاب غبت من الرجوم الطويلة كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها. وله بيت يؤكد ما قيل عنه أنااليا مني نويت أفتل البيت ..........فتلت والشعار ما ينقضونه صدق متنبي عتيبه وله قصيده مشهور ايضا قالها عندما كان في الامارات وهي طويله لكم منها تلك الابيات متى يجي في نجد بعض التدابير....... حتى يجي للصابرين انفراجي يالله ثبتني على الارض لا اطير ..........لين اشرب الشاهي واكل علاجي علاج راسي حبتينن بقصدير ............اللي عليهن رسمهن بزدواجي ويامنير اخذ الفرت واخذ الفواتير.........واحرص عليه ودخله بالكراجي ان كان يبغى زيت عب المواصير .........وان كان يبغى نار غير بواجي واليا استعد وضخر البعد تصخير .........تصخير شيهانن لفرخ الزراجي عده على اللي مايعد المخاسير .......ركاز عمدان الخشب للنعاجي تم قل لبو ماجد ترى وقتنا غير .........واتبدلت سحب المطر بالعجاجي http://www.youtube.com/watch?v=OijJeBjPbEA من قصايد بندر بن سرور (في الصبر) http://www.youtube.com/watch?v=dm0zWb3NOVM أنا الذي ما ابدي على الناس سرّي .......من خوف سودان الوجيه تحكي به أصبر على ظيم الدهر و التعرّي ........... من شان من يرضى عليّ الغليبة و ابعد مجالي عن عيال التزرّي.............. من لا هوى قلبي دواه المغيبة واخاف لي من مجلسٍ ما يذرّي............. في جانبه بومٍ حساسه صليبه و سوالفٍ مابين بحث و تحرّي ............... يجرح فؤادي عيّه و ابتلي به يرضيني المقسوم خيري و شري ......... سبحان من لا تعلم الناس غيبه أحدٍ على ربعه يحب التحري................. للشر بلاس و خيره بجيبه هذاك يالربع انا منه متبرّي ...................لو عضّني ناب الدهر ما انتخي به من خوف يضحك لي و هو يستغرّي ......... يفتل حبال السّوْ ما يندري به يفرح عليّ بكل شيٍّ يمرّي ................. و ان شاف يمّي خير عنّي نهيبه من قصايد بندر بن سرور الا وا وجودي وجد من صك دونه باب ....... بقفل اعجمي مغلقات مساميره عَدَو به على اللي كنه النسر بالمرقاب ..... على الجمس الأصفر كاملات شراشيره معه فرت خمسة طن ياخذ مية ركاب ........من المال عيّن ينقلنّه تغاييره دخل هو و حِمله للحكومة بغير حساب...... و راعيه عشر سنين و يعاد تقريره على اللي كواني كيّة العظم بالمشهاب .... على أقصى عراوِ القلب محمي مناشيره عشيري ورا الكوده وانا من ورا مشعاب...... بعيد قريب تعيب يا هون تيسيره ولا يوصله كود " فرت " عليه اسطاب ......... ليا حاسب السوّاق تقدح مواخيره صنايع بياطير الكفر لابسين الكاب .............عصاة اليهود اللي مشاريبها البيرة ألا يا نديبي فوق فرتٍ ورد من شرق........... على راس قيره للعليمي تعاشيقه من الوارد اللي جمركه عند راعي عرق ....... على المطرق مجبور ياخذ قماريقه من قصايد بندر بن سرور من بلاد الشام جينا بالمكينة .............. فوق فرتٍ ما تخثع بالطماني يحتدي مثل الجمل تسمع رطينه........... مع طمان القاع مثل الثعلباني والشـُفير من المدارس مطلعينه........... عن ظلام الليل شب الكهرباني كل ما جاه تل يلعن والدينه.................. باليمين اللي على كل اليماني ما تجيه يسار رجله شوف عينه ............. غير يسرى الطار شيٍّ بالاماني يوم قال له الخوي عاشت يدينه.............. شد رجله للكمك واحد و ثاني يالله انك تنصره من نصر دينه................ إن عطى له مع غبا ولا بياني قلت يالمطنوخ أنا عيني حزينه................ من شراب اللف أبيه و عنك كاني قد رمى بالكيس قدمي قال وينه............ دوك ما بالجيب عن شيٍ لهاني قلت ثالث قال يالله لا تهينه .................. قلت خامس قال يطلب نقل ثاني قال واحد و الكمك واسمع حنينه............. كيف ما ترضى عليّه بالهواني قلت واحد و الكمك ضام المكينة.............قال لي من يرحم القاسي لياني قلت والله يرحمونه صانعينه .................. قد زعلت من اللهيب اللي حداني قال ما ناثق بمن هم متقنينه ................. عن مشاور غير عرفي قد كفاني قاطع عرقين مادري وين وينه ..................قد وصلت الأرض و اسمع صوت ثاني قلت دوك اللف خابوا شاربينه.................غطّني عن شوف شي ما خفاني ومن قصائده ...... راكب اللي مخ رجليه خنزير و هوا ......... أشهب في مقدمه باقين و عكس تاج متر في مترين مستبرم كله سوا .........حايفه حطاب ما سمكره راعي الكراج إن نعشته بالثلاثة مع اللفة عوا........... عوي ذيب محتدينه مربية النعاج ثابت ما يختلف كلما لف إنزوا ...............و ارتفع ثم ارتخى مثل طايرة المراج كن ضرب المرو في الويل قدام و ورا...... ضرب هملول البرد و ان تقفاه العجاج منوة اللي مشفقن لهله و لهم نوا ....... من بعد طول المسافة يبي فلّة الحجاج من قصايد بندر بن سرور( القصيده هذي جبل من المعاني والمفردات والحكم والعبر) صدق من سماة متنبي عتيبه يالله يا جال الأمور المهمة .............تجلى وهق قلب برى حال راعيه البر دجته و البحر رحت يمّه ...........أدرج سبب حظ على الله مساعيه يوم إن ولد اللاش رزقه على أمه........ رزقي على اللي ميّت القشع يحييه ماني وانا بندر ببياع دمه ............... يقطعك يا بيّاع دمّه و مهفيه اللي يبيّع لابسات الأزمه ..............ثور يبي بيض العماهيج تغنيه يزعل ليا جت ليلة الدول يمّه.......... يرضى بسوق المال بأخيه و أبيه خطو البخيل اللي يكبّر معمه .......... يقرا الكتاب و واجب الله مخليه أما هرج له في رفيقه بنمّه............ والا عطا و أمه تضيّع هقاويه يا مل قلب كل ما مات همّه ............دارت دواليب الدهر لين تحييه فرّاق شمل الناس عيّا يلمه............. وقتن يشيب الراس من شاية فيه أحدن ينام و حط راسه بكمه ............و أحد تخم النوم عينه و تخطيه و أحدن يحاول بالردى بنت عمه......... و أحدن يحاول ستر عذرا عوانيه تخالف الأنظار شرقن و يمّه.............. كلٍ هدف رايه من الناس مرضيه أنشدك ياللي كل شي تتمه ............. تقرا الكتاب كل فرض تصليّه ويش القليب اللي عميق مجمّه ......... ما سرّ غرسه ماه عطشى سوانيه سم السبب يا عارفن عنه سمه .........سم السبب يا عارفه قبل اسميه |
||||||||||||||||||||||||||||||||||||
|
|
||||||||||||||||||||||||||||||||||||
|
12-16-2012, 08:53 PM
|
المشاركة رقم: 2 | ||||||||||||||||||||||||||||||||||||
|
كاتب الموضوع :
نسرين
المنتدى :
أدباء وشعراء ومطبوعات
أجمل قصائد بندر بن سرور العتيبي ,,, قصائد أعجبتني للشاعر بندر بن سرور (رحمه الله).. أتمنى تعجبكم كما اعجبتني .... عجل على المسجد ياكثر يافيحان صبر صبرناه ... امس الشهر عديت باقي اسبوعه لاتغبط اللي صار زوده بدنياه ... يتبع هوى نفسه وغير طبوعه مخطي طريق الحق غاد بعمياه ... يجمع وصخ مال زوال نفوعه اغبط تقي صار زوده بتقواه ... عبد لصوت العبد يرخي سموعه يفرح بصوت منادي الحق ناداه ... عجل على المسجد بطيْ ركوعه والا ترى الدنيا حدود مسماه ... لابد مايقفي وتقفي زروعه ******* انحاس بالي انحاس بالي يامحمد وصديت ... من كثر الصدات قلت شطونه ماني وانا بندر بهيت ولد هيت ... هيت يجامل خمة يكرهونه من كثر ماجربت واقبلت واقفيت ... قولة هلا لمن لايودك مهونه سلط على النصراني اللي لقا الزيت ... لعل نبع الزيت يعمي عيونه لاشك تحتاج المراجل شفاليت ... تحتاج شي يقصر النذل دونه عزم على الفرجه وقطع الخلا الميت ... حتى عيال البوم مايقطعونه ثلاث*من كل المعاني تنقيت ... واللي بقى كل الملا يقدرونه مابغى جزاهن غير من خالق البيت ... عمالهن للناس ماينفعونه ********* حكم نجد بالسيف الله من عين طرقها صواديف ... عميت ويبسن بالعروق الصخافي شفت الوزا بالعين من عرض ماشيف ... شفته وغيري من فطن له وشافي وقت تغير فيه حتى العواصيف ... جا في عواصيف الرياح أختلافي شره قناطير وخيره مقاطيف ... يفطن له اللي يرضع الديد غافي كم واحد جاله زمانه على الكيف ... واغترته نفسه يبا الجود وافي يطلع مطاليع العلا بالسواليف ... بين العذارى عد روحه سنافي يفرح بهرج بالقفى يكره الضيف ... قتات والقتات بالنار هافي يعلق قصيره علقة النار بالليف ... عي ولد عي زنوده ضعافي ان رخصت الحذوه توفي عن الحيف ... وان غليت الحذوه مشى اللاش حافي يرقد ويلحق والدينه تخاليف ... دايم ومرقد ميت النار دافي هو مادرى ان الجود يبغى تكاليف ... سهر الليالي مقبلات مقافي يبغى يدين للعطايا مغاريف ... ويبغى رجول ماتمل الوقافي والصبر بنحور السنين الشواحيف ... اللي قساها مثل حد الرهافي مايقدرون الجود سود الأطاريف ... مشاركة بيض النسا باللحافي يقدر عليه اللي حكم نجد بالسيف ... واودع مباغيض القبايل ولافي عبد العزيز اللي يبث المصاريف ... يجدع قناطير الذهب بالفيافي يمشي على دربه جموع مراديف ... نو تحدر ماه والجو صافي يشدي لواقيط الزبيدي بعد ريف ... ومما كسى البيدا تفيد الضعافي بندر بن سرور بصوته.wmv ‫  سر ياقلم سر ياقلم مالي على الصبر طاقه ... صبري تعدى الحد ماعاد ينطاق أكتب لمثلي قصته واشتياقه ... في خطك الواضح على بيض الأوراق قصة حزين صافي الحر ذاقه ... انا بذكره ماصله خاطري ضاق باقو به الأصحاب والوقت باقه ... وصار الضحيه بين باير وبواق يمشي وهو ماحس في كسر ساقه ... امسى على ساقين واصبح على ساق مهذي سواة الوقت شين اصطفاقه ... الوقت لو يصفى لك ايام دراق لاشك يامن معك عقل ولباقه ... بنصحك كان انك للأمثال تشتاق صادق رجال يعرفون الصداقه ... يقفون صفك يوم يبسات الأرياق ومن يرغب فراقك فعجل فراقه ... جاز الذي يجزيك أفراق بفراق يقوله اللي جاير الوقت عاقه ... ولازال في غيبوبة الهم مافاق حظه على اقشر شي للنفس ساقه ... بقبور الاحياء ينتظر يوم الأطلاق بـدايه تعـريف عن الشاعر هـو بنـدر بـن سـرور القسـامـى مـن روق من عتيـبه ولـــد وترعرع في القــراره بمديـنه الدوادمـي ســنه 1360هجري توفــي والـده وهو صغـير السـن وعـاش مع عــمه بعــد زواج والدته من رجــل اخــر. عــاش الحرمــان مــنذ صغــيره وربمــا الســبب فيما وصـل اليـه بنـدر من موهـبة شعــريه ..!! قــال بيــت له عنــدما اتاه احـد الدائنــين يطــالبه بمــاله الدين واجد و الوظايف تعيسه .... والعسكرية خلت الراس شايب ــــــــــــــــــــــ كانــت هنــاك قصــيده لبنــدر يهجــو بها السـديري وعندما ســأل الســديري عن عــدم رده علي بنــدر قال هذا شاعر بيوته ابكار اي بكر لم يسبقه احد علي قولها. وله بيت يؤكد ما قيل عنه أنااليا منــي نويــت أفتــل البيــت ... فتلــت والشعــار ما ينقضــونه ـــــــــــــــــــــ هـذا القصيـده سببـت مشـاكـل كثيـره لـه و أمر الملك فيصـل رحمـه اللـه بقـطع لسـانـه لولا لطـف اللـه و تـدخـل إبن ربيعـان اميـر عتيـبه متى يجي في نجد حسـن التدابيـر ... حتى يجـي للصابريـن انفراجـي يالله ثبتني علـى الارض لا اطيـر ... لين اشرب البراد وآكـل علاجـي عـلاج راسـي حبتيـن بقصديـر ... اللي عليهـن رسمهـن بزدواجـي شيوخ نجد اللي يقودون الطوابيـر ... ينثرلـهـم حبٍ ســوات الدجـاجـي ابكي شيوخاً سمرو نجد تسميـر ... تسمير عوداً عاجن في عود ساجـي يامنير دوك الفرت واخذ الفواتيـر ... افحص عليه ودخله في الكراجـي اللي يبي بنزيـن ركـب مواصيـر ... والي تبيـه النـار ركـب بواجـي وليا استعد وصخر البعـد تصخيـر ... تصخير شيهـانٍ لفـرخ الزراجـي عده على اللي ما يحسب المخاسير ... ركاز عمـدان الخشـب للنعاجـي ثم قل لبوبندر ترى وقتنـا غيـر ... تبدلت سحب المطر بـا العجاجـي ربعٍ رسو بيـن الحفيفيـن يامنيـر ... ماسلمـوا لمـدور البـاج بـاجـي واليوم ناطا نجـد مثـل المداويـر ... نقضي اللزوم ومسرعين الهجاجي ! رحنـا نـدوّج ونتسمـى مناصيـر ... نمشي مـع البيـدا بليـا مزاجـي متى يجي في نجد بعـض التغاييـر ... حتى يجـي للصابريـن انفراجـي اشيوخ نجد اللـي تهـز الطوابيـر ... ينثر لهم حبـا سـوات الدجاجـي |
||||||||||||||||||||||||||||||||||||
|
|
|
||||||||||||||||||||||||||||||||||||
|
12-16-2012, 08:58 PM
|
المشاركة رقم: 3 | ||||||||||||||||||||||||||||||||||||
|
كاتب الموضوع :
نسرين
المنتدى :
أدباء وشعراء ومطبوعات
قصيدة لبندر بن سرور نصيحة للنسـاء :وردة: يـا بنـت خلـى واحـد ٍ مـا يصـلي ... تـــارك عمـود الـديـن مـالك ومـاله خلـى مـلعـن والـديــنك يـولـــى ... تـلقينـن فى نجـد المسمى بـداله خليه لو يفرش لك البيت زلـى ... مـن لا يخـاف الله حـرام حــلالــه بـا الـرجـل ثنـتين ٍ حـداهن يـدلى.. وإن كبهـن مـاهو بـويا الـرجـاله لا صــار مـا بـه ديـن مع زيـن دلـى ... جعـله مـع الدنيـا تقـطع حب كان بندر في حياته مشاغبا ومزعجا للسلطات في المملكة اثناء حكم الملك فيصل حيث كان يهرب البضائع من الكويت ليكسب من خلال ارباحها لاختلاف السعر في ذلك الوقت .. وكان أمير المنطقة الشرقية سعود بن جلوي غاضبا من بندر حيث قبض عليه اكثر من مره ويخرجه أمير عتيبة تركي بن ربيعان امير الفوج التاسع بالحرس الوطني وهو من شيوخ قبيلة عتيبة اللي لهم كلمة عند الملك والحكومة وكان ياخذون تعهد على بندر بعدم التهريب الا انه مطنشهم ولا يسمع الكلام .. المهم وصل للامير بن جلوي ان بندر هرب بضاعه ولا قدروا يمسكونه فحلف بن جلوي ان يقتل بندر اذا قبض عليه ومعروف عن بن جلوي قسوته وشدته وجبروته اثناء حكمه للمنطقة الشرقية .. ووصل لبندر كلام الأمير وتهديده بس ما ارتدع .. وفي يوم وبعد المغرب بشوي كان بندر نازل مع النفود بسيارته الونيت وتفاجأ ان حرس الحدود مخيمين اسفل النفود وأيقن انه مقبوض عليه لا محاله فهو لا يستطيع العودة لأن النفود عالي وإذا نزل معناها مسكوه فأوقف السيارة وترجل منها ورجع على أقدامه وصادف سيارة وركب معاه وطلب منه يوصله لبيت الشيخ تركي بن ربيعان ووصل له حوالي الساعة وحده بالليل وقام يطق الباب بقوه والليل هادىء وصحى كل اللي بالبيت وكان الشيخ بن ربيعان بالدور العلوي وراحت بنته تفتح الباب وبندر يطق الباب بقوه وفتحت الباب وهي ما تعرفه ولا قد شافت بندر وقال لها ابوها من اللي عند الباب يا بنت قالت رجال كنه مرجوج يبغاك ( وسمعها بندر وهي تصفه بالمرجوج ) قال خليه يدخل للمجلس وغير الشيخ ملابسه وقامت البنت تسوي القهوه ولما دخل الامير تركي بن ربيعان وخلفه بنته معها القهوه التفت عليها بندر وقال يا سهيّف الذرعان مانيب مرجـوج ... رجّتنـي الأيـام غـدر وحيـلـه يا بنت لولا اللي على تاسع الفـوج ... تركت نجـد وعزوةٍ بالقبيـلـه لاشك حاديني علـى نجـد هـيدوج ... مسقي الفيافي ليـن يـدرج مسيلـه تركي ليامن البلاوي غـدن عـوج ... حمل عتيبـة كلهـا مـا تشيلـه يرسي كما مينا البواخر على الموج ... ومنين مـا صـك البحـر يرتكيلـه مادام تركـي حـيٍ مـا ودي أدوج ... وإن غاب غبت من الرجوم الطويلـه مانــي وأنا بندر براعٍ ولد راع ... أنا الحصــان ألي طويــلٍ حبالـه أنا سلايل خـير من شـالة القاع .. المصطفى الهادي وديع الرسالة(1) (1) المقصود هنـُا مرضعـه الرسـول عليه الصـلاه و السلام حليمـه السعـديه ام رويـق وبـريق .. الان يسمـون بروق وبـرقا بطـون عتيـبه الهـوازنيـه :وردة: يا بنت ياللي عينها عين شيهان .. . حرّ قطامي فعوله عطيبه والقرن ذيل اللي تشعشع للاكوان .. . بنت الاصيل اللي طويلٍ سبيبه و الردف يطوي الثوب و العود ريّان ... و الخد بارق مزنةٍ مستجيبة أسايلك بالله خلاق الانسان . .. الله عليك انتي من أيّا عتيبة ؟؟؟ يا زين فنجال على نومة الناس .. . زرع اليمن و اللي مسوّيه عيده يبري العماس اللي فضى خوتة الراس ... روابع يقفي و يقبل بريده يا بنت ياللي عمرها صدر و ردوف . .. بيض محاجرها و حلو نباها ودي بشوفك مير يوم اقصر الشوف .. . عيني بعد هاك الرمد قل ماها ماني وانا بندر بهيسن ولد هيس ... هيسٍ يدنع عند حرمة قصيره ليا بغيت اجلس ترى لي مجاليس ... وليا بغيت انهج دروبي عسيرة ماني وانا بندر بهيتٍ ولد هيت ... هيت مقابل خمّةٍ يكرهونه من كثر ما جرّبت وأقبلت و أقفيت ... قولة هلا من لا يودّك مهونة ماني وانا بندر على درب الأنجاس ... اللي قريبٍ تفلها من لحاها أنا بدرب الصيرمي عدم الأجناس ... زيزوم روق ليا تنصّت عداها ماني وانا بندر بنصّاي جابان ... شيوخ الجموس مناقرين الحليلة ليا صار لي لازم نصيت ابو فيحان ... شيخ الشيوخ مكمّلين الجميلة ماني وانا بندر براعٍ ولد راع ... انا الحصان اللي طوالٍ حباله إبن سلايل خير من شالت القاع ... المصطفى الهادي وديع الرسالة صوتي وانا بندر طويل ليا بان ... إن ما خشيت الرب ويش اختشي له ما ينرمي قولن على غير نيشان ... و من لا يثبّت حجته ويش هي له شيلة بندر بن سـرور سر ياقلم { جديد } ‫ (الشاور غشاني) من بلاد الشام جينا بالمكينه فوق فرت ماتخثع بالطماني يحتدي مثل الجمل تسمع رطينه مع طمان القاع مثل الثعلباني والشفير من المدارس مطلعينه عيدهي يجدعه جدع الحصاني قذلة الطربوش ناطلها يمينه عن ظلام الليل شب الكهرباني ماتجيه يسار رجله شوف عينه غير يسر الطاركي باليماني يوم قال له الخوي عاشت يمينه شد رجله للكمك واحد وثاني يالله انك تنصره من نصر دينه ان عطى له مع غبا والا بياني قلت يالمطنوخ انا عيني حزينه عن شراب اللف ابيه وعنك كاني قد رمى بالكيس قدمي قال وينه دوك مابالجيب عن شي لهاني يقصد الكبريت معي منه عينه قد منا تلت غراميل متاني قلت ثالث قال يالله لاتهينه قلت خامس قال قير يطلب نقل ثاني قالت واحد والكمك ظام المكينه قال لي من يرحم القاسي لياني قلت والله يرحمونه صانعينه قد زعلت من اللهيب اللي غشاني قال ماتاثق بذمه مقننينه عن مشاور غير عرفي قد كفاني قاطع عرقين مدري وين وينه قد وصلت الأرض واسمع صوت ثاني يوم يرفع موخره قو المكينه يرتخي صدره وانا الشاور غشاني قلت دوك اللف خابو شاربينه غطني عن شوف شي قد غشاني قال عن وقلت بأيا لحينه قال قل ناسي خوي مانساني قلت عاش الشيخ واللي ناجبينه عادة الطيب اليا جا الجد عاني ‫ ( لاتجربونه) ياهل الونيت اللي يبي مشتل البيب مادق صدره بالخطوط الغزيره يوم يتخثع مع محير الأداعيب يشدي تخثع جادل في حريره لاتجربونه مايبي الفرت تجريب قد جربه بالبيت الأبيض خبيره عدوه لابن حزام سيد اللواعيب لعاب زينات البيوت العسيره ثم قل لقاعد مانبي منه تدريب الوقت دربنا على كل سيره لو كل من قاد السبب يعلم الغيب ياما كرهت النفس من باب خيره ان قفت الأيام ماها مغاريب واليا اقبلت يازين صافي غديره قل له رميت الكيس بين الشواريب واليوم ادوج مالقيت اتعميره |
||||||||||||||||||||||||||||||||||||
|
|
|
||||||||||||||||||||||||||||||||||||
|
12-16-2012, 08:59 PM
|
المشاركة رقم: 4 | ||||||||||||||||||||||||||||||||||||
|
كاتب الموضوع :
نسرين
المنتدى :
أدباء وشعراء ومطبوعات
( لاتجربونه) ياهل الونيت اللي يبي مشتل البيب مادق صدره بالخطوط الغزيره يوم يتخثع مع محير الأداعيب يشدي تخثع جادل في حريره لاتجربونه مايبي الفرت تجريب قد جربه بالبيت الأبيض خبيره عدوه لابن حزام سيد اللواعيب لعاب زينات البيوت العسيره ثم قل لقاعد مانبي منه تدريب الوقت دربنا على كل سيره لو كل من قاد السبب يعلم الغيب ياما كرهت النفس من باب خيره ان قفت الأيام ماها مغاريب واليا اقبلت يازين صافي غديره قل له رميت الكيس بين الشواريب واليوم ادوج مالقيت اتعميره (صنايع يهود) الا يانديبي فوق دوج عليه شراع ماقال انفخ التشريق جاء في مواصيره ليا هبت العليا وقام العجاج وراع يهيظك مع السكه تزاوغ معاصيره صنايع يهود لايبدل ولا ينباع يقربك من دار ويبعدك عن ديره بعد ماطلعوه مشيك مايبي المرجاع سمع من وراه الفوج غنت مواطيره ليا دق سلفه قام صوته يرج القاع ماجاه المعاون يشتغل في مساميره عطاه اثنين وداس بلأبنص وفاع رزيمه رعد مزن تهلع دناقيره خرط له بثالث عقب نشه بعزم وزاع شتله برابع مايضيع تغاييره ليا شال عزمه ريحه آمن مارتاع مسك مع يمين الخط ويلد لأنبيره نص جو سمنه مايبطنج مع الأرواع منصيه شيخ ماتبطل جزازيره على سلم جده مايشاور ضعيف الناع يدلك بفعله كاثرات دواويره بندر بن سرور العتيبي : شاعر شعبي معروف وتوفي بعد خروجه من السجن بفتره لم تتعدى 3 شهور وقد تبين انه في السجن تم حقنه بأبره فيها مادة تدمر العقل وتستخدم هاذي الابره ضد الافراد الذين يعتبر وجودهم خطر او لهم احزاب القصيده:ماني وانا بندر يالله ياجال الامور المهمــــــــه = تجلا وهـــــج قلب برا حال راعيـــــه البر دجته والبحر رحت يمـــــــه = يقطعك ياحظ على الله مساعيـــــــه يوم ان ولد اللاش رزقه على امه = رزقي على اللي ميت القشع يحييـه يامل قلب كل مامات همـــــــــه =دارت دواليب الدهر لين تحييــــــــــه فراق شمل الناس عيا يلمـــــــه =وقت يشيب الـراس من شاية فيــــــه احد ينام وحاط راسه بكمــــــه =واحـــد تخم النوم عيـــنه وتخطيــــه واحد يحاول بالردى بنت عمـه = واحد يحاول ستر عذرى عوانــــيــه ماني وانا بندر ببياع دمــــــه = يقطعك يابيــــاع دمــــه ومهفيــــــه اللي يبيع لابسات الازمــــــــه = ثور يــبابيض الرعــــابيب تغنيـــــــه يزعل ليا جت ليلة الدور يمــــه =يرضى بسوق المال فخوه وفابيـــه خطو البخيل اللي يكبر معمــه = يقرا الكتاب وواجب الله يخليـــــــــه إمر هرج لك في رفيقه بنمــه =والا عطا وامه تضـــيع هقاويــــــــه أنشدك ياللي كل فرض تتمـه = تقرا الكتاب وكل فـــرض تصليـــــــه ويش القليب اللي غميق مجمـه = مافاد غرسه ماه وعطشى سوانيــه تخالف الانظار شرق ويمــــــه = وكل هدف رآيه من الناس مرضيـــــه سم السبب ياعارفن عنه سمه =سم السبب ياعارفه قبل اسميــــــه : : : وبعد هذي القصيده تم سجنه وخرج بعد حقنه بالابره اللعينه واصبح مرجوج وذهب في يوم عندي شيخ قبيلته وطرق الباب وردة ابنت الشيخ وسئلها عن ابوها فذهبت تنادي ابوها بصوت عالي وتقول : يـبه المرجوج عند الباب يبيك , فسمعها بندر فقال هذي القصيده فيها : يا سخيف الذرعان مانيب مرجــــوج =رجتــــــني الدنيا بغدر وحيلـــــه يابنت لولا اللي على تاسع الفــوج = تركت نجــــد وعزوه بالقبيـــــله لا شك حاديني على نجد هـــيدوج = مسقى الفيافي لين يدرج مسيله تركي ليامن الليالي غدن عـــوج = حملــه عتيبه كلها ماتشيلــــــــه يرسى كما ترسي البواخر على الموج= ومنين ماصك البحر ترتكيلــــــه مادام تركي حي مـــــــاودي ادوج =وان غاب غبت من الرجوم الطويله بعد هذي القصيده يقال ان عقله زاد في اختلاله وبدا ينشد الشعر في اوقات مختلفه وطويله فيما بينها وكانت حكيمه على انها كانت تخرج من فم مجنون وقد حير الشعراء قوة شعره والحكم اللتي بها خاصة بعد جنونه ومن العجيب ان اشهر قصائد بندر كانت وهو مرجوج فسبحان الله : يعز من يشاء ويذل من يشاء] |
||||||||||||||||||||||||||||||||||||
|
|
|
||||||||||||||||||||||||||||||||||||
|
12-17-2012, 11:32 AM
|
المشاركة رقم: 5 | ||||||||||||||||||||||||||||||||||||
|
كاتب الموضوع :
نسرين
المنتدى :
أدباء وشعراء ومطبوعات
تسلم روحكـ العطر.. لابدإآآإآع قلمكـ يعطيكـ آلف عافيه |
||||||||||||||||||||||||||||||||||||
|
|
|
||||||||||||||||||||||||||||||||||||
|
12-18-2012, 12:14 PM
|
المشاركة رقم: 6 | ||||||||||||||||||||||||||||||||||||
|
كاتب الموضوع :
نسرين
المنتدى :
أدباء وشعراء ومطبوعات
طرح رـآئـع وآلـآروع آنه منك .. ربي يخليك يَ الغلـآ ’ ويعطيك العــــآإفيه .. . |
||||||||||||||||||||||||||||||||||||
|
|
|
||||||||||||||||||||||||||||||||||||
|
| مواقع النشر (المفضلة) |
| الكلمات الدلالية (Tags) |
| الله , الشاعر , بن , توجر , رحمه , سرور , عن , نبذه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شعر من اشعار الامام الشافعى رحمه الله | سارة محمد | الاشعار المنقولة | 2 | 12-17-2011 02:22 AM |
| عبد السلام العجيلي - رحمه الله | نور | أدباء وشعراء ومطبوعات | 3 | 12-06-2011 08:23 PM |
| الشاعر الأمير: سعود بن بندر .. رحمه الله | نور | الاشعار المنقولة | 0 | 04-22-2010 02:07 PM |
| مرثية....((أمـير الـقـلـوب)) رحمه الله | Med7at | سوالف الاولين | 0 | 03-24-2010 10:32 PM |
| لا تيأسوا من رحمه الله | Med7at | سوالف الطيبين | 0 | 03-06-2010 07:15 PM |
العرض العادي
