قصة عجوز مع شايبها قالت قصيده بعد ما شافت انه متردي في اموره الزوجيه

قصة عجوز مع شايبها قالت قصيده بعد ما شافت انه متردي في اموره الزوجيه

قصة شايب ومعزبته وهي عايشة معاه طول السنين وتعرف حاله وامكانياته وما هي متحمله اكثر مما يقدر عليه ومسايرته وهو شايب كبير في السن وهي كذلك كبيرة، ومعاه ولد نشمي.. جاه الولد وقال يا يبه وشي رايك تبينا نزوجك ؟
قال: والله الساعة المباركة.. اي والله يا ولدي، يا ولد السعد.. اي والله زوجني
قال الولد: ها ما به خلاف.. قام وخطب له في ذيك البنت، وهم شغالين في ترتيب الزواج درت العجوز وتأكدت ان الشايب
بيعرس، الا وتغيرت عليها الأمور .. الا وقامت تمترح وماهي متأكدة ان الشايب بيعرس من جد لأنها خابره امكانياته متقاربه
وبياخذ له بنت
قالت للولد: ياولدي انتو بتزوجون الشايب؟ لا تزوجونه ماله لزوم.. الشايب ذا المفروض ما تزوجونه ..
العجوز ذي شاعرة وكذلك الشايب شاعر..
المهم قامت وسوت لها بيتين في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته اللي من أوله قابله منه الميسور وراح تتغير عليه الامور

قالت العجوز:

جملنا جملنا باركن له ثلاث سنين *** وهو ليّا جبنا له الحمل ما شله
ماغير القتب والمزودة وصطها مدين *** وهو بارك عجزان عن شيلها لله
وذا اليوم جبتوا حملةٍ وزنها طنين *** وذا الحمل يا الجواد ما هو قد له
جيته وقلت بالهون بالهون يا مسكين *** هذا الحمل يبغاله جمال تجهم له
ماهوب انت ياللي جايب فيدك من الصين *** أنا اللي أعرفك زين يا بارد الدله

قام الشايب والظاهر عنده امكانيات.. لكن ذي العجوز واقفه في طريقه ومدقره له

الرد من الشايب:
جملكم ماهو مسكين يا جعلك السكين *** جملكم يبي ينقل زهاب العرب كله
وهو اللي نفع العرب في الزمان الشين *** لكن الجمل في تاليه طاح في عله
وقع في رحوم طول سيقانها مترين *** صخاف الجنوب ضلوعها كنها هله
وحتى الجمل من شوفها صار حاله شين *** وهي السبب في طيحته جعلها العله
لها ذيل أجرد عمرها من ورا السبعين *** وعز الله انها تمرض القلب وتعله
لكن جيبوا للجمل بكرةٍ عمرها عشرين *** وتشوف الجمل يعطي كلش على حله
ليا عيّن الحمرا الردوم اشتغلها زين *** وخله بعيد من أم شاصين منحله
اذا الله عطانا عمر وانتوا من الحييّن *** تشوف الجمل لو حمله طويق يشتله

بارج الله فيج ع طرحج الغالي
لا عدمنا تواجدج
ودي لك

اهنيك على روعه اختيارك .. موضوع رائع في الطرح ومتالق في البوح ..
سلمتِ وسلم لنا ابداعك .. لاتحرمينا من روعه ماتخطه لنا اناملك..
دمتِ بكل خير ومحبه
تحياتي

جميل ماطرحه قلمك الرائع والقيم
موضوع في قمة الروعه والجمال
الله يعطيك العافيه على روعه ابداعك ورقي طرحك
سلمت وسلم لنا طرحك وتميزك
دمت بكل خير

طرح راقــي أنتقـــاء رائــــع

سلمت يمينك

في انتظـــار بشوق لجديدك

موضوع في قمة الخيااال
طرحت فابدعت
دمت ودام عطائك

يعطيك ربي الف عافيه

بانتظار الجديد

مشكورين وبارك الله فيكم